فكره عمل البى اكس px

سنتعرف فى هذه التدوينه على pressure exchanger مبادلات الضغط والتى يطلق عليها اختصار px

كما تعرفنا من قبل على التربو تشارج يمكن الاطلاع على المزيد اضغط هنا 

وهى تعمل على المياه المرفوضه فى عملية معالجة المياة حيث تعمل على مساعدة طلمبة HPP أو تخفيف الحمل عليها عن طريق أجهزة Energy recovery زي مبادل الضغط ده pressure exchanger

• PX من تصنيع شركة ERI

بيتم تقسيم مياة الفيد بعد الكارتدج الى مسارين HPP و PX

تدخل المياه في البداية لل HPP كما في الوضع الطبيعي و تخرج من الأغشية reject بضغط عالي بدل ما نرميها ندخلها على PX تدور لنا الريش بتاعته زي الموتور و توفر علينا شراء موتور و استهلاك طاقة كهربية

بعد ما مياة الريجيكت مشكورة دورت لنا الريش بطاقة عالية جدا زي موتور HPP تبدأ الفكرة الميكانيكية بقى

الجزء اللي داخل من مياة التغذية على PX يلاقي قدامه ريش بتدفعه بقوة زي طلمبة HPP بالظبط

يمشي بالقوة دي ( الضغط العالي ده ) في مسار إلى الأغشية علشان يقابل أخوه الجزء التاني ( المدفوع من طلمبة HPP ) و يدخلوا سوا على الأغشية

ذن كده انا وفرت على طلمبة الضغط العالي دفع مياة التغذية كلها دفعة واحدة على الأغشية و استفدت بالطاقة الخارجة من الريجيكت في توفير الطاقة

و قسمت مياة التغذية بنسبة غالبا بتكون 40% على طلمبة HPP و 60% على جهاز Px

بعد استهلاك الطاقة من مياة الريجيكت في دفع مياة الفيد … تخرج من مسار آخر بضغط منخفض تقريبا 1 بار الى آبار الصرف

كده بقى عندنا لجهاز PX مدخلين و مخرجين :

١ – مدخل مياة التغذية اللي جاية بعد الكارتدج بضغط منخفض
٢- مدخل مياة الريجيكت اللي جاية بضغط عالي تدور الجهاز

١- مخرج مياة التغذية بعدما الجهاز دورها و ضغطها إلى الأغشية بضغط عالي
٢- مخرج مياة الريجيكت اللي الجهاز سحب منها طاقتها دور بيها تربينته و سابها تخرج بضغط منخفض للصرف

فاضل بقى حاجة بسيطة … هل دخول مياة الريجيكت مع مياة الفيد في جهاز واحد فيه تربينتين لا يسبب خلط و ارتفاع ملوحة الفيد ؟؟

و الجواب أكيد بيحدث لكن في حدود 100 ppm أو 200 ppm فقط ارتفاع لأن تصميم الجهاز و وضعية التربينة و فتحاتها لا تسمح بالخلط الا في حدود ضيقة جدا جدا و ده شوفته عملي و ممكن يظهر لك على شاشة قياس الأملاح في المحطة

و عند حدوث خلط كبير ده مؤشر على حدوث مشكلة في خلوص التربينة و يجب فك الجهاز و صيانته

سؤال تاني … مياة الريجيكت ضغطها بيكون أقل نتيجة دلتا بي على الأغشية و كمان بتدخل الجهاز تدور التربينة يعني ممكن يقل ضغطها عن كده … ازاي تقدر ترفع ضغط للأغشية مشابه لنفس ضغط خروج HPp ؟

الجواب ده صحيح فعلا علشان كده الجهاز بييجي معاه booster pump طلمبة تعويضية بترفع يدوب قيمة 1.5 بار مثلا لتعويض الفقد اللي حصل على ضغط مياه الريجيكت

و للتوضيح مثال بالأرقام …

ضغط مياة التغذية الخارج من الكارتدج 4 بار تم تقسيم المياة لمسارين جزء دخل ال HPP و تم رفع ضغطه ل 60 بار للدخول للأغشية ..

طلعت المياة من الأغشية reject بضغط 59 بار ( على اعتبار فرق الضغط عالأغشية 1 بار ) و دخلت مياة الريجيكت دي على جهاز px بضغط عالي 59 بار دورت التربينة بتاعته تمام

نرجع للجزء الآخر بقى من مياة التغذية اللي دخل جهاز PX بضغط 4 بار يلاقي قدامه تربينة بتلف بسرعة ترفع ضغطه ل 59 بار و تدفعه في مسار في اتجاه الأغشية

في نص المسار ده يلاقي طلمبة تعويض booster ترفع ضغطه من 59 بار ل 60 بار علشان يتجمع و يدخل للأغشية زيه زي أخوه اللي جاي من HPP