مصطلح كتير بنسمعه في مجال معالجة المياة، وبنبقي مش فاهمينه أوي رغم إنه مهم جدا جدا، وهو ال RO
ما معنى reverse osmosis؟
ال reverse osmosis هو نظام بنستخدمه لتنقية المياة عن طريق إننا بندفّع المايه خلال semi permeable membrane تحت ضغط.
– أولاً لازم نعرف إيه
ما هو ال osmosis؟
هو سريان محلول من تركيز أقل (كمية solute أقل) إلى تركيز عالى (كمية solute أكبر) وعادة بتكون عملية طبيعية بدون حاجة لطاقة.
يعنى مثلاً لو عندنا محلول مايه وفيه كمية ملح صغيرة ومحلول تاني فيه كمية ملح كبيرة في إنائين مختلفين وفصلنا بينهم ب semi permeable membrane هتلاقي إن المحلول الأول (الأقل في التركيز) بيتحرك للمحلول التاني (التركيز الأعلى)
ما معنى semi permeable membrane؟
عبارة عن membrane (غشاء) بيمنع مرور بعض المواد وبيسمح بمرور بعض المواد، زي بالظبط السلك اللى بيتحط علي الشباك ليسمح بمرور الهواء بس بيمنع مرور أى حاجة اكبر من فتحاته.
وده عشان يحدد المواد اللى تعدي أو هتتحجز عن طريق الشحنة والحجم.
الجزيئات اللى ال molecular weight ليها أكبر من 200 مش بتعدي، وكذلك الشحنة كلما كبرت كلما كان أصعب إنها تعدي، عشان كده ال reverse osmosis صعب أنه يشيل ال CO2 لأن حجمها صغير وكمان شحنتها قليلة.
كيف تعمل النظرية الاسموزية؟
بعد ما اتكلمنا عن ال osmosis ايه هو بقى ال revers osmosis؟
طبعاً هي عكس ال osmosis..
في العملية دي احنا بنجبر المحلول الأعلى ف التركيز إنه ينتقل للمحلول الأقل ف التركيز وده عكس الطبيعي فطبعاً هنحتاج طاقة خارجية. طبعاً المحلول هيعدي من خلال semi permeable membrane واللى هيسمح بمرور بعض المواد زي المايه ويمنع مرور مواد تانية زي الملوثات
(dissolved salts, organics, bacteria and
pyrogen).
زي ما قولنا العملية دي عكس الطبيعة وبتحتاج طاقة…الطاقة دي هي الضغط…بنطبّق ضغط أعلى من الضغط الطبيعي الموجود عند ال semi permeable membrane.
كيفية عمل نظام التناضح العكسى؟
– أولاً بندفّع المايه الطبيعية (فيها ملوثات) بواسطة high pressure pump عشان نزود الضغط ونسمح للمايه إنها تعبر خلال ال semi permeable membrane واللى بيمنع مرور من 95% ل 99% من الملوثات.
كمية الضغط المطلوب بتعتمد على تركيز الملوثات كلما زادت الملوثات كلما كان مطلوب ضغط اكبر.
– بينتج نوعين من المايه من العملية دي:
ال permeate water ودي اللي تركيز الأملاح بيكون فيها قليل، بينما المايه اللى تركيز الاملاح بيكون فيها عالى هي ال reject stream ودي أحياناً بنستخدمها إننا نضيفها مرة تانية للسيستم بحيث نشيل منها الملوثات.
دا كدا ال RO باختصار